Rêvebir  û  serkêşên  dewleta  Tirk, di bin rêberîya AKP ê de bi taybet ev saleke êrişên bi giştî li dijî tevgera azadî dane destpêkirin. Encama beşên qada bajaran tê zanîn û ne pêwiste  li vir dubare were nivîsîn. Lê belê ji bona serdestên Tirk, xala bingehîn, mijara yekem hêzên leşgerî yên parastina Kurdistan’in. Ji serê salê û virde  dewlet amadekarîyan dike ji bona êrişeke li  dijî wan pêk bîne û li ser vê yekê dest pê kirin. Hêzên xwe yên herî bijare piştî amadekirina derûnî û teknîkî, li ser xeta başûr, rohilat, Dêrsim û amedê bi cîh kirin. Di van amadekarîyên êrişê de, heron û hin teknîkên nûjen ku, ji Îsraîlîyan û ji Emerîkîyan stendin xwedî cîheke serekeye. Dewleta Tirk, vê carê hedefeke dorfireh û kûr dabû pêş xwe. Êrîşa îcar divê neşubiya yên din. Taybetîya vê êrîşê gellek zêdeye. Mîjokdarîya  Tirk bi êrîşeke giştî dixwazin bi vê hewildanê erka xwe ya  emperyal li darbixin. Bi vê mebestê li gel  îran û Ereban têkilî  tund kirin. Heta demeke berê bi dengê bilind paşverûtiya Pers û Ereban dinivisîn û digotin, lê ji nişkêve bûne dostên wan ên  stratejîk. Ev çîroka keştîya wan û Îsraîlîyan di vê çarçovêdeye. Esasen dixwazin bi nakokiyên xwe, hemî gelên rohilatê li dijî Kurdan rakin. Xwestin êrîşa E Eskenderûnê jî, veguhezînin qonaxeke wiha. Di vir de, hêjayî gotinêye mirov bêje piştî  ku serdema çaremîn dest pê kir.wekî zengilê hawarê lêkeve hinek der û dor êrişan dibin ser tevgera azadî. Lê dema ku li dijî, Kurdan, qirkirin, girtin, destavêtin, lêdan û kuştin diqewimîn. Bi heman rengî deng der nayê, gelo ji bo çi ? li vir maf û dad nîne. Gelê Kurd yên têkoşer û rêvebiriya wan, bi riya xwe dizanin. Divê hemî kes ji vê biryara mafê xwe  parastina demokratîkre rêz nîşan bide. Ên  xwînrêj û kedxwar ne tevgera Kurdane vajiyî vê dijminê Kurdanin. Balkêşe dewleta Îsraîliyan jî, piştî van yekan xwest ji mijara Kurdistan, bi awayeke li gorî berjewendiyên xwe sûd werbigire. Qaşo ewê alîkarîya tenduristî rêbikin ji bo Kurdên  bakûr. Lê belê baş tê zanîn ku di qirkirina netewa Kurdistan’de alîkarîya bingehîn dewleta Îsraîliyan didin Tirkan gelo îro çi bi wê dostaniyê hat ? ma qey kes vê yekê nabîne ? gelo wê Kurdên bakûr tişteke wiha qebûl bikin ? qasî ku tê dîtin ji hêla Kurdan ve siyaseta ku xeta PKK ê dimeşîne nayê van lîstokan. Bi van lîstokan kes nayê xapan. Yek ji eqilmendên Cihûyan Netanyahû hê di 1988’ an de,pirtûka ku nivîsîye têde ji bona xwe xeterîya herî mezin PKK ê nîşan dide. Divê were zanîn ku bi taktîkên rojane bingeha mijarê nayê dîtin.

Serdestên Tirkan êdî pê hesiyane ku,

Kurdistan’a  di bin mijokdarîya wan de bû, bi cewherî ji vê kedxwariyê filitiye. Ango ew tenê bi hêzên xwe yên çekdarî li Kurdistanê hene. Ji bona vê yekê ; ev êrîş ji xwere dike armanc  ku Kurdistan ê ji nûve dabigire. Lewra bi hişyarbûna gel dagirkerî betal bûye.

asta demokratîk û azadîxwaz a ku gelê Kurdistan ê gihîştiyê ji bo gelek stratejîstan xeyaleke.ev gel bi vê sazûmana xwe têra pir tiştan dike, têkçûna mijokdariyê di vir de ye.

Her wiha di  merhela yekem a dagirkeriyê de, roja yekê bîst firokeyên şer, heft seet û nîv bombe reşandin. Roja duyem, bîst bafirokan bombe reşandin. Roja sêyem hêzên  wan ên  taybet ji bejayîve daketin qadên Medyayê

Di encama van êrişên hewayî de,HPG ê  wendayiyên xwe daxwîyand . Lê di berxwedana himberî hêzên bejayî de,wek hate dîtin ji  Zap ê kêmtir nebû. Heman berxwedan li qada Dêrsim ê jî pêk hat. Tirkan bi vê hêza xwe êriş bibirana ser kîjan cînarê xwe, ew dewlet di van sê rojan de diket. Lê belê ; ji ber ku encam ji hêla wan ve nehate stendin bêdengin wekî ku êrişeke wiha giran pêk nehatî ye. Tevgera azadî jî, ji ber tundbûna cengê ev êrîşa, piçûk dît. Lê pêwiste ev xal bi dor firefî were lêkolîn û nîqaşê. Ev xaleke rexnegiriyêye li ser çapemenîya welatparêz. Çima  nasandin û pêkhatina van pevçûnan baş nayê weşanê.

Artêşa Tirk di merheleya yekemîn de li himberî tevgera azadî û HPG ê şikyaye têk çûye. Ev nayê wê wateyê ku hemî tişt qedyaye, lê di vê cengê de  gaveke pir girîng bi serkeftina tevgera azadî derbaz bûye. Kesên ku ji taktîk û stratejiya leşgerî têdihêjin vê rastiyê dikarin bibînin.

Di dema pêş de ev tişt têne xwiyan,

1-Hêzên Tirkan di qada leşgerî de li dijî HPG ê wê serî li hin êrişên taybet bide ev ji nihave bê encamin ji ber ku şewqa artêşê şikestiye.

2-Li bajaran dijî xwendekar û xwenasên kurdan êrişên bi dar û kêr û carna çek wê pêş bikevin. Ev êrîşana ne dikarê kesî bitirsîne û ne jî, dibe sedemê devjêberdana têkoşînê.

3-HPG, li himberî artêş û polêsên wan ên taybet çalakiyan bilind dike.

4-Ciwanên Kurdan êrîşên kevir û kuçan xwiyaye ku carinan veguhezînin çekdarî li nava bajaran. Mînak ; dema ku meşên girseyî çê dibin robotên wan êrişan dibin ser gel, bîst kes li ser serê zarokekî dicivin.piştî vekişîna girse 2 ciwan bi çekên otomatîk xwe bera nava van robotan bidin gelo wê çi biqewime ?

5-Ya herî girîng çalakiyên fedayî wek mînaka Zîlan di rojevê dene.

 

Harûn Serdar

Kürdistan Stratejik Araştırmalar Merkezi

www.navendalekolin.com - www.lekolin.org - www.lekolin.net – www.lekolin.info