Her hi\u015fmendiyek xwed\u00ee \u00e7avkan\u00ee \u00fb h\u00eem\u00ean xwe ye ku l\u00ea xwe disip\u00eare. Ji ber v\u00ea yek\u00ea, hi\u015fmendiyek ku di ziman de t\u00ea gotin, di ziman de dibe peyv \u00fb \u00eefade, pi\u015ft\u00ee \u00eefadekirin\u00ea j\u00ee dibe kiryar, ev hem\u00fb bi hev ve gir\u00eaday\u00ee ne.<\/p>\n
Fikir bi \u00e7i t\u00ea xwed\u00eekirin, ziman w\u00ea dib\u00eaje. Ziman ne endamek e ku ji fikir\u00ea qut be. Gotina Heidegger \u201cmirov ew hey\u00eena ku di ziman de dij\u00ee\u201d n\u00ee\u015fan dide ku mirov ne ten\u00ea ziman\u00ea bi kar t\u00eene, di ziman de t\u00ea te\u015fekirin. Ji ber v\u00ea yek\u00ea ziman, ji am\u00fbrek\u00ea p\u00eanaseya kesane pir w\u00eadetir, bingehek\u00ea \u00e7and\u00ee ye ku t\u00ea de \u015f\u00fbra civak\u00ee ji n\u00fb ve t\u00ea hilberandin.<\/p>\n
Komara Tirkiy\u00ea ya ku heb\u00fbna xwe li ser tuneb\u00fbna gel\u00ea Kurd ava kiriye \u00fb zihniyeta CHP\u2019\u00ea ya ku xwe wek\u00ee h\u00eamana damezr\u00eener a w\u00ea dib\u00eene, h\u00ea j\u00ee bi kod\u00ean damezrandina sed sal ber\u00ea heman refren\u00ea dib\u00eaje. Ne ten\u00ea CHP, gelek partiy\u00ean siyas\u00ee y\u00ean ku ziman\u00ea xwe kirine am\u00fbra texr\u00eebat\u00ea, h\u00ea j\u00ee Kurdan wek\u00ee h\u00eamana bingeh\u00een \u00fb welatiy\u00ea wekhev \u00ea komar\u00ea nab\u00eenin. Wek\u00ee t\u00ea zan\u00een, \u201ctakiye\u201d di \u00ceslam\u00ea de ew e ku misilman di rew\u015fek\u00ea zehmet de ji bo xwe xelas bike, \u00ceslam\u00ea \u00eenkar bike \u00fb xwe wek\u00ee ne misilman n\u00ee\u015fan bide. Di s\u00fbrey\u00ea Nahl\u00ea de dest\u00fbr\u00ea dide takiy\u00ea.<\/p>\n
Di siyaseta Tirkiy\u00ea de takiye li ser \u00e7areseriya pirsgir\u00eaka Kurd bi lez \u00fb bez didome. N\u00eazikkatiyek xap\u00eenok t\u00ea p\u00ea\u015fandan ku xuya dike heb\u00fbna gel\u00ea Kurd \u00eenkar nake, l\u00ea maf\u00ean welatiya wekhev a Kurdan nab\u00eene. \u201cRonakb\u00eer \u00fb siyasetmedar\u00ean Tirk\u201d bi xuyangan hurmet\u00ea n\u00ee\u015fan\u00ee heb\u00fbn \u00fb maf\u00ean Kurdan didin, l\u00ea di esas de qeb\u00fbl nakin ku Kurd bi ziman\u00ea xwe y\u00ea zikmak\u00ee p\u00eawendiy\u00ea deynin, perwerde bibin. \u201cGel\u00ea Kurd biray\u00ea me ye, em bi Kurdan re wek\u00ee go\u015ft \u00fb neyn\u00fbk in\u201d stran\u00ean xwe ji dev\u00ea xwe nakutin, l\u00ea ziman\u00ea Kurd\u00ee h\u00ea j\u00ee di berhema Mecl\u00ees\u00ea de wek\u00ee \u201czimanek\u00ee nay\u00ea f\u00eamkirin\u201d qeyd dikin \u00fb j\u00ea \u015ferm nakin.<\/p>\n
Ev hem\u00fb ti\u015ft n\u00ee\u015fan\u00ee me didin ku li Tirkiy\u00ea gelek \u201cronakb\u00eer \u00fb siyasetmedar\u201d nikarin fikra azadb\u00fbna gel\u00ea Kurd hezim bikin. Ev avahiy\u00ean ku bi kod\u00ean damezrandina Komara Tirkiy\u00ea hatine \u015fekilkirin \u00fb di hi\u015fmendiya xwe de \u201cTirkiy\u00ea wek\u00ee heb\u00fbnek, nijadek \u00fb neteweyek serdest\u201d bi cih kirine, nikarin ziman\u00ea xwe ji gotin\u00ean n\u00eejadperest \u00fb fa\u015f\u00eest paqij bikin. Qeb\u00fbl kirina Kurdan bi xuyangan \u00fb pa\u015fguh kirina maf \u00fb nirx\u00ean her\u00ee bingeh\u00een \u00ean Kurdan, derbir\u00eena hi\u015fmendiya desthilatdariya serdest e.<\/p>\n
Gel\u00ea Kurd ji sed sal\u00ee z\u00eadetir e li dij\u00ee v\u00ea hi\u015fmendiya fa\u015f\u00eest \u00fb kolonyal\u00eest t\u00eako\u015f\u00een dike. Di p\u00eavajoya t\u00eako\u015f\u00eena p\u00eanc\u00ee sal\u00ean daw\u00ee de gel\u00ea Kurd heb\u00fbna xwe \u00eespat kir, nirx\u00ean giranbuha afirand, destkeftiy\u00ean mezin bi dest xist. Bi t\u00eako\u015f\u00eena b\u00earehm a gel\u00ea Kurd siyaseta \u00eenkar \u00fb tunekirin\u00ea par\u00e7e kir. L\u00ea h\u00ea z\u00fb ye ku em bib\u00eajin siyaseta \u00eenkar \u00fb tunekirin\u00ea bi temam\u00ee qediya. Ev rew\u015f w\u00ea di p\u00eavajoya t\u00eako\u015f\u00een \u00fb muzakerey\u00ea ya p\u00ea\u015f de diyar bibe.<\/p>\n
Pi\u015ft\u00ee banga R\u00eaber APO ya ji bo a\u015ftiy\u00ea \u00fb civaka demokrat\u00eek, pirsgir\u00eaka Kurd di siyaseta Tirkiy\u00ea de ji n\u00fb ve bi awayek\u00ee giran hate n\u00eeqa\u015fkirin. Zehniyeta \u00eenkarc\u00ee ya ku heb\u00fbna Kurdan wek\u00ee metirsiyek li dij\u00ee heb\u00fbna Komara Tirkiy\u00ea dib\u00eene, bi israr ji demokrat\u00eezekirina ziman\u00ea xwe d\u00fbr dikeve \u00fb j\u00ea ditirse. Hem di hik\u00fbmet\u00ea de hem j\u00ee di muxalefet\u00ea de h\u00ea j\u00ee siyaseta gi\u015ft\u00ee ya li ser \u00e7areseriya pirsgir\u00eaka Kurd nehatiye diyarkirin. Zimanek\u00ee Ezop\u00ee y\u00ea bi takiy\u00ea, pir bi tirs, b\u00ea naverok \u00fb dilsoz\u00ee t\u00ea bi kar an\u00een.<\/p>\n
Pirsgir\u00eakek\u00ea sed sal\u00ee bi gotin \u00fb kiryar\u00ean r\u00fbkal\u00ee, b\u00ea naverok, b\u00ea dilsoz\u00ee \u00fb d\u00fbr\u00ee prens\u00eeb\u00ean demokrat\u00eek \u00e7areser nabe. Hem hik\u00fbmet hem j\u00ee muxalefet ji cidiyetiya d\u00eetina pirsgir\u00eaka Kurd wek\u00ee pirsgir\u00eaka maf\u00ean bingeh\u00een d\u00fbr in. Dixwazin Kurdan di siyaseta navxwey\u00ee de di poz\u00eesyona \u201cbi ser bixin an winda bikin\u201d de bih\u00ealin. T\u00ea f\u00eamkirin ku AKP dixwaze bi saya Kurdan CHP\u2019\u00ea bixe, CHP j\u00ee dixwaze AKP\u2019\u00ea bixe. Her du zihniyet j\u00ee bi saya Kurdan siyaseta desthilatdariy\u00ea dikin. Di v\u00ea rew\u015f\u00ea de hem siyaseta AKP\u2019\u00ea hem j\u00ee ya CHP\u2019\u00ea ji hesab\u00ean teng \u00ean hilbijartin\u00ea w\u00eadetir nikare bi gel\u00ea Kurd \u00fb nirx\u00ean w\u00ee ve bi\u00e7e. Gava hesab\u00ean siyas\u00ee y\u00ean teng \u00ean AKP\u2019\u00ea bi fobiya Kurd a d\u00eerok\u00ee ya CHP\u2019\u00ea re t\u00eakel dibe, koroyek\u00ee demagogan \u00ea b\u00ea demokras\u00ee \u00fb b\u00ea nirx\u00ean demokrat\u00eek derdikeve hol\u00ea. \u201cSiyasetmedar\u00ean Rojhilat\u201d y\u00ean ku azad\u00ee, wekhev\u00ee \u00fb demokrasiy\u00ea wek\u00ee sos\u00ea b\u00eahna vala bi kar t\u00eenin, ji bilindarkirina p\u00ea\u015feroja hevbe\u015f a gelan ti\u015ftek\u00ee din nakin.<\/p>\n
Kom\u00eesyona TBMM ya Hevgirtina Netewey\u00ee, Birat\u00ee \u00fb Demokrasiy\u00ea, gava biryara hevd\u00eetin\u00ea bi R\u00eaber APO y\u00ea ku avakar\u00ea banga A\u015ft\u00ee \u00fb Civaka Demokrat\u00eek e da, CHP bi gotina \u201cEm \u00ea ne\u00e7in \u00cemraliy\u00ea\u201d helwesta xwe ya li hember Kurdan \u00fb \u00e7areseriya pirsgir\u00eaka Kurd bi awayek\u00ee e\u015fkere n\u00ee\u015fan da. Serok\u00ea serhildana Kurd a daw\u00ee wek\u00ee muhatab qeb\u00fbl nekirin \u00fb ne\u00e7\u00fbna hevd\u00eetina w\u00ee, di hi\u015fmendiya kevn de israrkirin e.<\/p>\n
Ev helwesta CHP\u2019\u00ea wek\u00ee manevrayeke sade ya siyas\u00ee ya li dij\u00ee \u00eeqt\u00eedara AKP-MHP nirxandin, d\u00ea xeletiyeke mezin be. CHP refleksa xwe ya d\u00eerok\u00ee ya li gor \u201ckod\u00ean damezrandina T.C.\u201d n\u00ee\u015fan da. Partiya ku xwe wek\u00ee damezr\u00eener\u00ea komar\u00ea dib\u00eene, bi awayek\u00ee li gor kod\u00ean damezrandina xwe tevdigeriya. Komara Tirkiyey\u00ea li ser \u00eenkar \u00fb tunekirina Kurdan hatiye avakirin. Bi dehsalan heb\u00fbna Kurdan hate \u00eenkarkirin, neb\u00fbn hate hesibandin. Bi teoriya \u201cKart-Kurt\u201d siyaseteke \u00eenkar \u00fb tunekirina hi\u015fk hate p\u00eakan\u00een. \u00cenkara Kurdan ne ten\u00ea b\u00fb pol\u00eet\u00eekaya bingeh\u00een a CHP\u2019\u00ea, l\u00ea b\u00fb pol\u00eet\u00eekaya bingeh\u00een a hem\u00fb partiy\u00ean pi\u015ft\u00ee w\u00ea hatin avakirin. Ziman, gotin \u00fb kiryar li ser v\u00ea tez\u00ea hatin \u00e7\u00eakirin. Civaka Tirk li ser van tezan hate avakirin \u00fb s\u00eawirandin. \u201cKurd\u00eet\u00ee\u201d b\u00fb wek\u00ee \u201cGul yabani\u201d paranoyek tirs\u00ea. Li ser v\u00ea bingeh\u00ea \u201cronakb\u00eer \u00fb siyasetmedar\u00ean Tirk\u201d ziman \u00fb siyaseta \u00eenkar\u00ea xwed\u00ee kirin.<\/p>\n
Bi biryara CHP\u2019\u00ea ya ne\u00e7\u00fbna \u00cemraliy\u00ea re, ew kes \u00fb derdor\u00ean ku xwe wek\u00ee \u201cl\u00eeberal, \u00e7ep, la\u00eek, demokrat\u201d bi nav dikin, m\u00eena ku bi\u015fkojek l\u00ea hatiye xistin, bi ziman\u00ea heqaretan li R\u00eaber\u00ea Gel\u00ea Kurd \u00fb Tevgera Azadiy\u00ea dest bi \u00ear\u00ee\u015fan kirin. Ev n\u00eaz\u00eekat\u00ee ji kod\u00ean hi\u015fmendiya d\u00eerok\u00ee cuda nay\u00ean nirxandin. Heta ku ji kod\u00ean hi\u015fmendiya \u00eenkarkirina Kurdan, ji hi\u015fmendiya yekperest, netewperest, serdest \u00fb xweperest \u00fb ji ziman\u00ea ku her roj v\u00ea hi\u015fmendiy\u00ea ji n\u00fb ve hildiber\u00eene xilas nebin, guher\u00een \u00fb p\u00ea\u015fketina demokrat\u00eek zehmet e.<\/p>\n
P\u00eaw\u00eestiya \u00e7areseriya demokrat\u00eek, guher\u00een \u00fb veguher\u00een\u00ea gihi\u015ftiye qonaxeke ku \u00ead\u00ee nay\u00ea taloqkirin. Ji dest\u00fbra \u201cY\u00ea ku neguhere \u00fb li hember guher\u00een\u00ea bibe berxwed\u00ear, t\u00ea derbaskirin\u201d t\u00ea f\u00eamkirin ku heke berpirsiyar\u00ee \u00fb erk\u00ean dem\u00ea di wext\u00ea xwe de ney\u00ean cih, ne hewceye meriv p\u00eaxember be ku mirov bib\u00eene d\u00ea bi felaket\u00ean mezintir re r\u00fb bi r\u00fb bim\u00eene.<\/p>\n