Balafirên şer di nava heftiyekê de bi dehan car deverên sivîl topbaran kir

Erdoğan Tola
Xeyalên Binpêkirî Li Herêma Kurdistanê Derdixe

Serokkomarê Tirk
Recep Tayip Erdogan, ji bo nîqaş kirina mijara Îdlib’ê di 5’ê Adarê de seredana
Moskova’yê kir. li gorî dîmenên ku di medya Rusya derketîn, Erdogan û şandeya
pêre bi deqeyan li ber derî hatine sekinandin û paşê jî civîn 5 seat û nîv
zêdetir dirêj kiriye. Ev seredan di medya Tirkiyê de her çiqasî weke
serkeftinekê hatibe nîşandan jî, lê derket holê kû di civînê de tû şert û
daxwazên Erdogan pêk ne hatine û şandeya Tirkiyê dest vale vegeriyane Tirkiyê.

Her wiha derket
holê kû, Rusya ji Erdoğan xwestiye kû êdî ji bo Suriyê têgeha ‘’Rejîm’’ neyê bi
karanîn li şûna wê ‘Komara Erebî ya Surî bi kar bîne. Erdogan li Rusya fam kir
ku xeyalên wî yên girêdayî Suriyê û Rojavayê Kurdistanê bin pê bûne.

Hevdîtina di
navbera Potîn û Erdoğan de kû zêdetirî 5 seatan berdewam kirî, yek ji mijarên
herî sereke Rêveberiya Xweser, cihê wan di pêşeroja Suriyê de û bandora wê li
ser Tirkiyê hat nîqaş kirin. Her çiqasî li ser mijarê agahiyên zelal derneketin
holê jî, lê ji nûve êrişên dewleta dagirker ya Tirk li her çar parçeyên
Kurdistanê bi taybet gund, navçe û çiyayên Başûrê Kurdistanê, derdixîne holê kû
planên ji nûve dagirkirina Kurdistanê hatine berfireh dike.

Bi Dehan Car Xaka
Herêma Kurdistanê Hat Topbaran Kirin

Piştî ku hikûmeta
Erdoğan encamekî li gora siyaseta xwe ji hevdîtinên li Moskova û Brûkselê ne
girtin, dest bi topbarankirina deverên sivîl yên Başurê Kurdistanê kir. Li
kêleka dagirkirina 35 km ya xaka Başûrê Kurdistanê, balafirên şer yên Tirkiyê
di nava çend rojan de bi dehan car gund, çiya û herêmên sivîl topbaran kirin.

Li herêma
Kurdistanê heya niha ji ber êrişên topbarana Tirkiyê, bi dehan sivîlan jiyana
xwe ji dest dane, gelek mal xirab bûne û ziyanek mezin gihiştiye bax û baxçeyên
gundiyan.

 

Bîlançoya
topbaranan wihaye;

– Balafirên şer yên
Tirkiyê di 9’ê Adarê de gundê Mawnan ê li Dola Baleyan a girêdayî Hewlêrê
bomberdûman kirin û xaniyek bi temamî  hilweşiya û xaniyên derdorê jî
zererekî mezin ya maddî dîtin. Xwediyê malê li hemberî topbaranê nerazîbûna xwe
anî ziman û diyar kir ku ew bi zorê ji topbaranê xilas bûne.

– Balafiran her wiha
di heman rojê de çiyayê Bêrmke û derdora gundê Bêpalan yên Qendîlê bombebaran
kirin. Xwezaya herêmê zerarekî mezin dît.

– Balafirên şer yên
Tirkiyê, di 10’ê Adarê de gundên Bêjan û Bireşikênî yên herêma Biradost
girêdayî parêzgeha Hewlêr topbaran kirin.

– Disan balafirên şer
yên dewleta dagirker di 10’ê Adarê de çiyayê Kunekotir ê Binarê Qendîlê
bombebaran kirin. Balafirên şer demekî dirêj li ser bajaroka Pişderê û Bindarê
Qendîlê  firiyan. Her wiha rojane balafirên keşfê bê navber li ser herêmê
di gerin.

– Li gorî daxûyaniya
Navenda Ragihandina Û Çapemeniya HPG’ê; balafirên şer yên Tirkiyê di 10’ê Adarê
de herêmên parastina medyayê qada Qelatûka, Girên Savaş û Hîwa yên Qendîlê,
qada Goşîne ya herêma Xakurkê û qada Sininê ya herêma Xakurkê bombebaran kirin.
Ji ber êrişên dagirker 3 gerîllayên HPG’ê şehîd ketin.

– Dîsa balafirên şer
yên Tirkiyê di 11’ê Adarê de qada Deşta Kafya ya herêma Garê, qada Kesta ya
herêma Metîna û qada Tepê Şehîd Şahîn a herêma Zapê bombe kirin.

– Her wiha di 12’ê
Adarê de jî qada Tepê Sor a herêma Avaşînê bombe kirin.

– Balafirên şer yên
Tirkiyê, di 13’ê Adarê de Herêma parastina Medyayê Girê Berbizina û Geliyê
Sînînê, Herêma Xakûrkê û dîsa gundê Yekmala ya Herêma Metîna bombebaran kirin.

 

Artêşa Tirk bi
awayekî vekirî gefê li gundiyan dixwe

Artêşa dewleta
Tirk, piştî rêdan û alîkariya PDK’ê li herêma Behdînan bi taybet herêma Biradost
xakekî mezin dagir kir. Dema ku artêşa Tirk xwest herêmê bi tevahî dagir bike
li rastî berxwedana gerîllayên HPG/YJA Star’ê hatin û şikestin xwarin. Ji ber
wê sedemê dixwaze herêmê ji gel vale bike û li gora planên xwe di herêmê de
tevger bike.

Artêşa Tirk li
gundên herêma Biradostê bi rêya dironên ku hoparlor li ser girêdabûn, gef li
gundiyan xwarin û ji gundiyan re gotin divê kes nêzê cihê ku wan dagirkirine
nebin, ger ku nêzî van cihan bibin ewê bê cudahî gulebaran bikin. Hêjayê
bibîrxistinê ye beriya niha jî artêşa Tirk bi heman rêbazê gef li welatiyên
gundê Xelîfan, Daylan ên devera Biradostê xwaribûn.

Gelê Herêmê Li
Hember Êrişan Bi Hêrse

Herêma Başûrê
Kurdistanê van demên dawî rojane deverên sivîl topbaran dike, her wiha hema
bêje 24 demjimêran balafirên keşfê li esimanên herêmê digerin. Xelkê Bînarê
Qendîlê li hember topbaran û bêdengiya Hikumeta İraq û Herêma Kurdistanê bi
hêrsin û daxwaz ji herdû hikumetan dikin ku li hemberî metirsiya heyî bêdeng ne
mînin.

Xelkê gundên Bînarê
Qendîlê ku rojane di bin êrişên balafirên Tirkiyê dene, diyar kirin ku çi dibe
bila bibe ew dev jî gundên xwe bernadin. Gundiyan dan zanîn ku çavkaniya jiyana
wan tenê li ser gund, xwedîkirina lawiran û çandiniyê ye. ji dervey wê tû
jiyanek din ya wan tineye ji ber wê sedemê ger em li vir werin kuştin jî em dev
ji xaka xwe bernadin.

Ciwanê bi navê Ezîd
Resul xelkê gundên Bînarê Qendîl dagirkerî û êrîşên dewleta Tirk yên li ser
xaka Başûrê Kurdistan şermezar kir û got; ‘’topbaranên dewleta Tirk dibin
sedemên ziyanên mezin yên can û malên xelkê herêmê. Deverên ku tên topbaran
kirin ji dervey xelkê sivîl kes lê jiyan nake. Ji ber wê em bang li hikumetê
dikin ku ji bo rawestandina van êrişan bikevin tevgerê.’’