PDK, ev demek ji bo hîle û tevlîheviyê bixe hilbijartina Parlementoya Herêma Kurdistan a Başûr, ev demek dirêje di nav hewildanan de ye. Rêveber û berpirsên MÎT û Parastinê di 9’ê cotmehê de li navçeya Silehadîn a Hewlerê civînek lidarxistin. Di vê civînê de, ji bo hilbijartinên 20’ê Cotmehê bi awayek sîstematîk hîle û encaman manîpule bikin ekîbek taybet hate avakirin. Agahî hatin bidestxistin ku di vê civînê de li ser çawa KDP dikare hilbijartinan bi hîle bi serxîne gotûbêş hatine kirin û kîteyên amadekariyên derbarê hilbijartinan de hatiye destgirtin. Dê di hilbijartinan de çawa dikarin hîle bikin û encama wê manipule biken hin plan hatine nîqaşkirin û ji bo vê jî kesên vê xebatan bimeşînin hatin peywirdarkirin.
EKÎBA HÎLEKARÎ Û MANIPULASYONÊ
PDK a ku di hilbijartinên bihurî de bê isuliya wan derketibû holê ketiye nav metirsî û fikaran, biryar hat girtin ku bi talîmata Mensûr Barzanî, di pêşengtiya Sîdad Barzanî de ekîbek taybet were avakirin. Di civîna ku bi hevkariya MÎT-PDK’ê de hatî kirin, ji bo hîle û lêstikên wan ên di hilbijartinan aşkere nebe, biryar hate girtin ku li Halepçe û Silêmaniyê planeke qirêj bixin meriyetê. Li Silêmaniyê ekîbeke di bin pêşengtiya Bilind Mîralî de di bin navê xebatên partiyê ya PDK’ê de ji bo plana Parastinê bixebitin. Endamên Parastinê yên ku piştî civînê ketin hereketê, ji bo bi pisulayên deng û qartan hîle bikin bi berpirsê cîhazên kontrola qartan Elî Reşîd re hevdîtin kirine.
Ev hilbijartin jî wê wek e dişibe hilbijartinên parlemento û meclîsa bajêr a Iraqê dê teyîtkirina cîhazên elekronîk bi kar bînin. Di vê pêvajoyî de ji bo dengdêran qeydê qard a bîyometrîk bixwînin, şopên tiliyan werin bera hevkirin û qartên deng-rêy “Koda QR” werin xwendin.
DENGDÊRÊN XEYALÎ YÊN PDK’Ê
Di hilbijartina giştî ya dawî ya 2018’an de PDK, li ber çavên rayagiştî bê isuliyek û sixtekariyek pir mezin kir. Yek ji îdeayên mezin ên hîleya hilbijartinê ya PDK’ê ewbû ku bi navê hilbijêrên-dengdêrên tune an jî di ser nifusa naylon de dengan bikaranî bû. Hejmarek zêde yên ji Rojava, Bakur û Rojhilatê Kurdistanê jî anîbûn ser sandoqan jî li ser vê hîle û bê isuliya PDK’ê zêde bû. Komîsyona Hilbijartina Bilind a Iraqê li gor lêkolînên wan ên destpêkê nêzî 400 hezar deng ên sixte hatine bikaranîn tesbît kiribûn. Her wiha 11 kursiyên PDK’ê yên di bin navê kotaya kêman de girtibû hêj hilbijartin dest pê nekiribû jê hate standin, fikarên PDK’ê zêdetir bû ku hîle û sixtekariya wê deşifre bibe. Lewra li gor zagonan her 30 hezar deng teqabulê 1 kursiyek dikir, 400 hezar dengên sixte jî jî teqabûlê 13-14 kursiyan dikir. Ev yek jî derketibû holê ku PDK’ê lîsteya hilbijêrên sixte ji nasnameyên sixte û dengdêrên mirî pêk dihat.
