Piştî ku HTŞ’ê Şam bi dest xist, li ser esasê ku rêveberiyek nenavendî naxwazin û daxwaza rêveberiyek xweser kirin zext û êrîş birin ser civaka Durziyan a li Suweda, Quneytra û Cerema kirin. Li ser vê esasî ku Durziyan dev ji vê daxwaza xwe bernedan bi avakirina Meclîsa Leşkerî ya Suwêda re xweseriya xwe îlan kirin. Piştî rejîma Esad desthiladariya Şamê ya HTŞ’ê jî ku zextan li ser Durziyan kêm nekirin, piştî Suwêda, Quneytra herî dawî jî li Ceremayê Durziyan li dijî êrîş û zextên desthiladariya Şamê derketin serhildanan. Li ser vê esasî îstîxbarata HTŞ’ê bi perspektîfa MÎT’ê ji bo mudaxeleyê tund li ser Durziyan bike bi riya şaneyên razayî yên çeteyên DAIŞ’ê amadekarî hatine kirin.
Xwepêşandanên li dijî desthilatdariya niha ya HTŞ ya Şamê ji roja yekem ve li Suweda, Cerema, Latkiye, Tertûs, Cebalî, Hums, Hema û Deraayê berdewam in, ji şeva borî ve veguherî pevçûnên bi xwîn. Di pevçûnan de zêdeyî 138 sivîl hatin qetilkirin. Malên sivîlan hatin talankirin û şewitandin.
Dema gelê herêmê li dijî êrîşên hovane yên HTŞ û komên çete yên girêdayî dewleta Tirk parastina xwe çekdarî kirin, MÎT û HTŞ’ê jî bi kordîne şaneyên DAIŞ’ê aktîf kirin. Her ku pevçûn dijwar bûn, HTŞ’ê ji Şam, Hama, Idlib, Heleb û Dêrezorê, li ser bajarên peravê yên ku pevçûn lê jiyan dikirin, êrîş kirin. Çeteyên artêşa Surî yên girêdayî dewleta Tirk ji Efrîn, Bab, Ezaz û Cerabulusê jî hêzên xwe seferber kirin.
Ji aliyê din ve jî agahî hene ku Wezareta Berevaniya Netewî ya Tirkiyê di ser Deriyê Sînor ê Bab El Hewa re hêzên leşkerî şandine Sûriyê.
PLANA ÊRÎŞÊ JI MÎT Û HTŞ
Êrîşên çekdarî yên hovane li bajarên peravê yên li dijî gelê Durzî û Elewî hedef tên girtin her ku diçe mezintir dibe, hate piştrast kirin ku planên êrîşê ji aliyê MÎT û HTŞ’ê ve bi hev re hatine amadekirin.
Li gorî agahiyên ku me wek Lekolin.org bi dest xistine, di hefteya derbasbuyî de ya Sibatê de li Konsolosxaneya Tirkiyê a Şamê di navbera rayedarên MÎT’ê û fermandarên HTŞ’ê de hevdîtinek pêk hat. Navê rayedarên MÎT’ê yên beşdarî civînê bûn Kurt Ergen ê 45 salî û Mihemmed Heyuz e. Hat piştrast kirin ku her du kesayet ji dosyayên DAIŞ, Suweda û Deraa berpirsyar in.
Di heman demê de ji nava HTŞ’ê Xeldûn El Daxir, Ebû Hefîs El Qelemoni, Miyeser El Deraawî, Ebû Mihmmed El Dereewî, Mecîd El Dilêmî û Ebû Hesen El Iraqî jî beşdarî civînê ( hevdîtin ) bûn.
Li gorî agahiyên ku me bi dest xistine, rayedarên MÎT’ê di civînê de ev ferman dane fermandarên HTŞ’ê:
HTŞ divê serweriya xwe li ser herêma Suweydayê û bejahiya wê pêk bîne û rê li ber belavbûna Durziyan li herêmên din bigire û di heman demê de alozî çêbike ku pêwîstî bi destwerdana hêzên Ewlekariya Giştî ya girêdayî HTŞ’ê li herêmê hebe. Ev yek divê bi destê şaneyên DAIŞê bên aktîfkirin.
Piştî civînê MÎT’ê şaneyên DAIŞ’ê yên li herêmê seferber kir. MIT ê çiraya kesk ji êrîşî herêmên ku Durzî û Elewî lê dijîn bike pêxist. Bi vî rengî bingeh hat amadekirin ku hêzên HTŞ’ê destwerdan û êrîşê herêmên bikin û hebûna DAIŞ’ê ji xwe re bikin hincet.
Li gorî plana ku ji aliyê MÎT û HTŞ’ê ve hatiye amadekirin, hat zanîn ku şaneyên DAIŞ’ê li bejahiya Celxim, li rojhilatê çola Suwêda û li deşta beramberî gundên bejahiya rojhilatê Suwêda, li gundên herêma El Deyase, li derdora El Keraa, Tilul El Sefa û li herêma Ebû Şaristanê ku 7 kîlometre dûrî sînorê Urdunê ne, hatine bicihkirin.
