Sûwêda herêmeke stratejîk a li başûrê Sûriyê ye, ku piraniya wê Durzî lê jiyan dikin. Di van salên dawî de ev herêm ne tenê bûye qada pevçûnên herêmî, di heman demê de bûye qada pêşbaziya îstîxbaratê ya hêzên herêmî û navneteweyî. MÎT, li ser herêma Sûwêda planek amade kir. Armanca planê şikandina bandora Îsraîlê li herêmê û hilweşandina avahiya leşkerî ya bi navê Heres El-Watanî ye. Hat zanîn ku MÎT ji bo vê stratejiyê pêşkêşî Amerîkiyan bike ev plan bi îstîxbarata Sûriye’yê re parve kiriye.
Siteya me Lekolin.org di nûçe analîza xwe ya 29 Tîrmehê de diyar kir ku planên leşkerî û îstixbaratê yên li dijî Sûwêda berê hatine deşîfrekirin. Di vê analîzê de me gav bi gav eşkere kir ku, piştî HTŞ rêveberiya Şamê bi dest xist êrîşên li dijî Siwêdayê, bi hevkariya dewleta Tirk re, bi komên çete yên ku di bin navê eşîran de tevdigerin, çawa hatine organîzekirin.
BI HÊZÊN DURZÎ RE PÊKHATEYEK NÛ
Di bingeha planê de avakirina hêzeke leşkerî ji civakên Durzî li herêmên Ceremana, Sehnaya û Eşrefiyê cih digre. Tê zanîn ku ev avahiya ku wê jê re “Hêzên Welatparêzên Sûwêda” were gotin, fermandariya vê avahiyê wê Silêman Abid El-Bekî û Leys El-Balus bin. Lê belê ji ber ku Leys El-Balus bi taybetî ji aliyê alîgirên Hikmet El-Hacarî û Durziyan ve weke xayîn tê dîtin, ev plan li qadê lawaz dibe, ji ber ku Durzî Leys El-Balus di nav xwe de qebûl nakin.
Tê çaverêkirin ku, ev hêza nû ya Durzî derbasî parêzgeha Sûwêdayê bibe û bi hêzên Hikmet El-Hacarî re berevaniyê bike. Ev înîsiyatîf ku qaşo bi awayekî armanca parastina herêmê dihilgire, armanc dike ku di pêşerojê de serweriya siyasî û leşkerî li ser Sûwêdayê ava bike.
Bİ ÇEKKİRİNA STRATEJÎK
Hat zanîn ku Wezareta Parastinê ya Sûriye’yê dê fonên vê hêzê bide, bi çekên navîn dê derbasî herêmê bibin û piştre çekên giran radest bikin. Armanca vê gavê ew e ku bandora avahîyên ku Îsraîl piştgirîya wan dike li Sûwêda bişkîne û herêmê nêzîkî hikûmeta Şamê bike.
Malpera me, di bin navê peymanek nû ya di navbera hikûmeta Şamê û Durziyan de Plana ‘Parçe Bike û Birêve Bibe ketibû meriyetê, nivîsandibû. Me diyar kir piştî ku MÎT û HTŞ’ê tevî van planên qirêj nekarîn ti encamekê bi dest bixin, bi rêxistina bi navê Mîxferên Spî (El Xuez El Beydaa) weke hespê Troyayê di bin navê alîkariyê de derbasî herêmê bûne. Di heman nûçe-analîzê de, me ragihand ku da ku hincetek ji bo êrîşa li ser Sûwêda were çêkirin, çek û mirov bi qaçaxî di navbera Deraa û Sûwêda de têne kirin û xalên barkirin û leşkerî têne avakirin.
STRATEJIYA HERÊMÎ YA MÎT’Ê
Stratejiya nû ya Tirkiye’yê ya li Sûriye’yê bi hevdîtinên bi HTŞ’ê re şêwe digre. Enqere ku dixwaze ji valahiyên ku piştî rûxandina rejîma Esed derketî sûd bigire, bi hevkariya hikûmeta demkî ya bi serokatiya HTŞ’ê planên nû li dijî Rêveberiya Xweser pêşdixe. Di vê çarçoveyê de MİT dixwaze Durziyan nêzî Şamê bike û piştgiriya wan bike da ku muxalefeta pêşerojê asteng nekin û li dijî wan dernekevin.
Navenda Lêkolînên Stratejîk A Kurdistanê
