25 Temmuz 2011 Pazartesi Saat 12:48
Li Rojavayê Kurdistanê û Sûriyê Saziya Zimanê Kurdî bi armanca xwedî derketin li nasnameya netewî û bi dûrişma Zimanê me Nasnameya meye dest bi dewreyên perwerdeya ziman kirin.
Li Rojavayê Kurdistanê Saziya Zimanê Kurdî(SZK) li bajarê Helebê, di nav şert û mercên zehmet de û di malan de, dest bi perwerdeya zimanê Kurdî kirin. Perwerdeya zimanê Kurd ku bi beşdariya gelek zarok û ciwanê Kurd destpêkiriye, her roja ku derbas dibe eleqeya wan ya ji bo ziman zêde dibe. Mamostayê ku dersên ziman didin ji diyar kirin ku: ” Armanc ji vê perwerdê, rê girtin li ber bişaftina ziman û xwedî derketin nasnameya netewî ye”. Perwerde ji aliyê 4 Mamsoteyên zimanê Kurdî û bi tevvlibûna 100 xwendekaran berdewam dike.
‘Ziman Hebûna Mirov e’
Mamosta Cemîl: “Li ser giringiya zimanê Kurdî axivî û wiha dirêjî dan gotinê xwe. ” Em dixwazin bi danîna perwerdeya Zimanê Kurdî de, hîn tiştan bidin şîrove kirin û zanîn. Îro em netewek û gelekin. Em di gelek axaftin û siloxanê xwe de dibêjin ku Ziman Nasnameya me ye, zimanê dayîkê hebûna me ye. Dema em vê siloxanê xwe di tenê di çalakiyê xwe de rakin iman çawa dibe nasnameya me, çawa miletan dide jiyan kirin. Dema hin mirov têne cem hev û herkes ji wan bi zimanê xwe biaxivê, ev nîşana hebûna gelek netewaye û herkes nasnameya xwe dide xûyakirin. Yanê her kesên bi zimanê xwe nêrînê xwe tîne ziman û şîroveyên xwe pêş dixe. Ji ber vê em dibêjin mirov nasnameya xwe daye xûyakirin. Gel bi 3 tiştan cihê xwe di cihanê de digrin. A yekemîn Ziman e, a duyemîn Axe, a sêyemîn dîrok. Gelek bi van sê hêmanê xwe hene.
‘Dewlet Astengiya ji bo perwerdeya ziman derdixîne’
Mamoste Xoce: “Ji ber gelek astengî li pêşiya zimanê me yê dayîkê heye. Em şagirtên xwe di nava malan de perwerde dikin. Divê dewlet îmkan û derfetan ji bo gelê me veke ku perwerdeya xwe bi zimanê Kurdî bibînin avabikê. Divê dewleta Sûriyê hebûna Kurdan bipejrênê ku em karibin perwerdeya xwe bi Kurdî di dibistana de bibînin. Armanca me ji perwerdê, pêşxistina zimanê me ye. Li hember pêşxistina zimanê Kurdî astengiyên mezin hene, dewlet û îstîxbarat wê zextê û zoriyê dide ser gelê me ku nehêle bi rihetî bi zimanê xwe biaxivê û perwerdeya xwe bibîne. Nahêle em pirtûkên xwe yên perwerdê çap bikin. Her mirovek bi zimanê xwe tê nasîn. Ji bo zimanê me neyê windakirin pêwîste her kes, ji 7 salî heyanî 80 salî bi zimanê xwe bi axivîn, bi nivîsînin û perwerdeya xwe bibînin.
‘Em malan dikin Dibistan’
Mamoste Zeyneb: “Em weke mamoste ji ber derfetên me yên dibistanan nîne, em perwerdê di malan de didin şagirtên xwe. Astengî û pirsgirêka herî mezin ya me ji ber em di malan de dersan didin mal tengîn û di her malê de têxtê reş yên nivîsandinê nîne. Dîse ji ber xwendekarên me, diçin dibistana Erebî nikarin bi awayekî peryodîk li van dibistanên me jî berdewam bin. Armanca me ya yekê ji bo zimanê me tune ne be û nehelê, me insiyatÎfeke wiha ya perwerdê bi pêşxist.
‘Bila Mamosteyên Kurd xwedî li Zimanê xwe derkevin’
Mamoste Hevî: “Em weke jin hêvî dikim ku di hûndur Sûriyê de dibistanê zimanê Kurdî hebin. Di zagona bingehhîn de, bi awayekî fermî bê naskirin. Ji bo em karinin weke miletê din perwerdeya xwe bi zimanê xwe yê dayîkê bibînin, ji bo ku zimanê me neyê windakirin em û zarokên xwe di malan de perwerdê dibînin. Ez bang li mamosteyên Kurd dikim ku ji bo perwerdeya ziman bikevin nava liv û tevgerê. Herwiha banga min ji jinên Kurd re ye ku zarokê xwe rêkîn perwerdeya Kurdî û xwedî li zimanê xwe derkevin”.
‘Bila Keçên Ciwan tevlî Perwerdê bibin’
Keçeke ciwan: “Li gor rewşa em tê deperwerdeya xwe zimanê dayîkê dibînin. Daxweza min hîn ev yek pêşkeve û di warê fermî de jî dibisatanê me li Sûriyê bêne vekirin. Banga min ji bo keçên Kurd yên ciwan ku xwedî li zimanê xwe derkevin û werin tevlî perwerdê bibin.
Heleb/Ekîb
Navenda Lêkolînên Stratejîk a Kurdistanê
www.navendalekolin.com www.lekolin.org -www.lekolin.net – www.lekolin.info
