Li Rojhilata Navîn Faşîzm Di Asta Herî Jor De Ye

Bi
destpêkirina serdema Efrînê re êdî li Rojhilata Navîn bi taybet li Kurdistanê
serdemeke nû hate destpêkirin. Lewra ji bo Gelê Kurd êdî kêliyên man û nemanê
ne. Ji ber ku Gelê Kurd di serdemeke herî xedar û hesas re derbas dibin. Yanî
êdî wê ev serdem qedera Gelê Kurd bi her awayî diyar bike. Ji ber ku îro şerek
li tevahiya kurdistanê tê meşandin ev şer wê bibe despêkek nû li tevahiya
Rojhilata Navîn. Ji ber Serokkomarê Tirkiyê îro tenê hebûna xwe bi vî şerî ve
daye girêdan û xwe li ser vî şerî bi hêz dike. Yanî bûye faşîsteke yê şer û
îxdîdara xwe  li ser xwîna mirovan dide
meşandin. Ji ber hebûna xwe bi meşandina şer ve daye girêdan. Lewra ger
îxtîdara faşîst a dewleta tirk di vî şerî de bin bikeve wê bi mîsogerî dawî li
îxtîdara wî ya faşîst bê. Jixwe ji niha ve diyar dibe ku hêdî hêdî benê  wî yê îxtîdarê bi destên dostên wî tê birîn û
wê dawiya wî jî were, yanî çawa ku pêşiya dîktetorê faşîst Sedam vekirin xistin
nava hemû gemariyê û dawî li jiyana wî anîn, wê bi mîsogerî jî dawiya dîktetêr Erdoxan
û faşîzma wî jî bibe weke ya Sedam.

           Bêguman ji niha ve kesên ku nexwazin
bi vê faşîzmê re tine bibe divê hinekî eqlên xwe bînin serê xwe û bikevin riyeke
rast de. Yan ne wê di demek kin ne dûr de edalet wan bêxin riya rast de. Ji ber
hîna ji niha ve ketine nava çiravê, lê ji ber çavên wan kor bûne vê yekê
nabînin. Lewra bi her awayî faşîzma AKP’ê destdirêjî li vîn û kerameta wan
dike, lê  belê li hemberî vê yekê bêdeng in.
Lê divê êdî serkirdeyên kurdan çavên xwe vekin, li vîn û kerameta xwe xwedî derbikevin.
Yan na pir diyar e ku her kesê destê xwe bêxe xwîna zarokên Kurdan an jî
hevkariya van dewletên faşîşst bike wê dawiya wan jî ne dûrî ya Sedam be. Lewra
em bi hêvîne qaşo kesên dibêjin em serkirdeyên Kurdan in û xwe Kurd dihesibînin
xaka Başûrê Kurdistanê nekin amûrê kirîn û firotinê. Yanî kêmek bi unur
derbikevin û xwe bes bifiroşin. Ji ber dema ku mirov li rewşa Başûrê Kurditanê,
bi taybet li rewşa qismek rêveberiyên Başûrê Kudistanê dinêre, di nava çûn û
hatinek de ne. Ev yek jî pir bi aşkere diyar dibe ka di nava çi hevkariyê de
ne. Yanî ev yek bi vekirî diyar dibe ku ji bo berjewendiyên xwe gelê xwe û xaka
xwe bi her awayî firotine dewletên faşîst. Bi taybet ên ku pir bi eşkere di vê
hevkariyê de cihê xwe digirin hin kesên ku xwe bi navê Mala Barzanî nav dikin e.
Jixwe her kes vê yekê baş dizane ku ti carî ev kesane ji bo bercewendiyên gelê
xwe neketine nava hewldanan, berevajî her tim ji bo bercewendiyên xwe ev gel
pêşkêşî dewletên faşîst kirine.

         Yanî qaşo ên weke Nêçîrvan xwe weke rêveberên
Kurdan didin nîşandan, lê mixabin ji derveyî ku Gelê Başûrê Kurdistanê xistibin
nava geravek bê binî ti sûda wan ji bo vî gelî çênebû ye. Lewma birastî dema
mirov navê kurdbûnê li van kesane dike mirov heqaretê li kurdbûnê dike. Ji ber
ku bi rastî kesên ku ji dil dibêjin em kurd in, kesên xwedî şeref in. Lê ya
rastî îro kiryarên ku ji hêla dewleta faşîst a tirk ve li ser xaka Başûrê
Kurdistanê tê meşandin bi destên serkirdeyên Başûr ên weke Nêçîrvan wan ve têne
kirin.

        Ya rastî jixwe dema em li gotinên Nêçîrvan
yên di derbarê êrîşên li ser xaka Beşûrê Kurdistanê tînin ber çavên xwe,
dijminatiya wî ya li hemberî Gelê Kurd û xaka Kurdistanê pir bi eşkerehî zelal
dibe. Her wiha êdî hevkariya wî ya bi dijminê Gelê Kurd re gumanên mirov zelal
dike. Çawa dibe ku qaşo rêveberek êrîşên li ser xaka xwe rewa bibîne. Çawa dibe
ku dewletek faşîst were tecewîzê axa min bike, ez vê yekê rawa bibînim. Lê mixabin
îro roj Nêçîrvan Barzanî vê dijminatiyê pir bi eşkere li Gelê Kurd dike.
Bêguman jixwe divê Gelê Kurd li hember vê yekê zêde şaş nemîne, ji ber ev ne
cara yekê ye ku kesên weke Nêçîrvan vê xayîntiyê li Gelê Kurd dikin. Jixwe her
ji destpêka dîrokê ve di xwîna van kesan de xayîntî û xwefirotin heye. Yanî ti
carî van kesane ji bo gelê xwe ti qencî nekirine, berevajî her tim bûne koleyê
dijminê Gelê Kurd û bûne dijminê gelê xwe. Birastî divê hemû rêveberiyên Başûrê
Kurdistanê vê yekê ji bo xwe rûreşiyek herî mezin bibînin.

       Yanî ger îro dijmineke faşîst ji welatek tê
tecawîzê axa welat din dike, bêguman ev bi destura rêveberiya wî welatî tên.
Lewra êrîşên ku îro li ser xaka Başûrê Kurdistanê çêdibin bi mîsogerî bi bestê
rêveberiya Başûr têne kirin. Ji ber vê yekê divê her kes, bi taybet gelê Başûrê
Kurdistanê vê yekê wiha bizanin. Yanî çawa ku bi dehî salan berê niha
rêveberiya Başûrê Kurdistanê Gelê Başûr bi komkujî û koçberiyan re rû bi rû
hiştin, roja îro jî heman tiştî heta deh qat xiraptit li vî gelî dikin. Îro
dîsa gel bi komkojî û koçberiyê re rû bi rû ye. Ji ber ev rêveberî gel û xaka
vî welatî ji çav derxistine, lewma di daxwiyaniyên xwe de jî didin diyarkirin
ku êrîşên dewletên faşîst li ser xaka welatên wan rewa ne. Yanî talankirina gel
û welatê xwe rewa dibînin.

         Lewma di rewşeke wiha de li Başûrê
Kurdistanê  rêveberiyek ku mirov ti
hêviyan jê bike nemaye, heta ku mirov dikare bêje rêveberî nîne li Başûrê
Kurdistanê. Lewma di rewşek wiha de dewleta faşîst a Erdoxan û çeteyên wî hewl
didin ku civaka Bakûrê Kurdistanê jî weke ya Bakurê Kurdistanê û Rojava lê bike.
Ji ber tişta ku dewleta tirk li ser linga digire dijminatiya kurdan û
mirovahiyê ye. Lê mixabin hin kesên weke reveberiyên Başûr van dijminên hov xwedî
dikin û li ser xwîna kurdan didin jiyankirin. Me got ku li Bakurê Kurdistanê,
li Rojavayê Kurdistanê û li Başûrê kurdistanê komkujiyek pir hovane tê
meşandin. Ev çi li hember gel dibe çi jî li hember Hêzên parastina Gel dibe,
yanî li hemberî kurdan hemû dewlet bûne yek û bi hemû hêza xwe ve bi ser kurdan
de tên. Li beramberî vê hovîtiyê ger gelê kurd û civaka kurd xwe nekin yek û
yekîtiyek a wan çênebin wê hîn zêdetir ev komkujiyane berdewam bikin. Yanî bi
taybet civaka Başûrê Kurdistan û Ciwanê Başûr divê bikevin nava yekêtiyek xurt
û civaka xwe biparêzin. Yan na wê civaka Başûr jî weke Efrîn û Bakur lê were.

Jiyan
Bihar

Kürdistan Stratejik
Araştırmalar Merkezi

www.lekolin.com –
www.lekolin.org – www.lekolin.net – www.lekolin.info -www.navendalekolin.com
– http://kursam.org/index.html- http://kursam.net/index.html

0

21

TR

:” ”

:””

” “,” ”