Tevlîbûna gel a hilbijartinên Parlementoya Herêma Kurdistanê kêm bû sedem çiye?

Li Herêma Kurdistana Federal duh
hilbijartinên parlementoyê hat lidarxistin. Hat diyarkirin ku encamên
hilbijartina ku li gor hilbijartinên din beşdariya gel pir kêm bû dê di nava 72
seatan de were aşkerekirin. Hat nirxandin ku sedema ji 3 milyon û 88 hezar
hilbijêran ji nîvî kêmtir  neçûne ser
sindoqan ewe e ku li hemberê êrîşên derve partî nebûne yek û di hêla çareseriya
pirsgirêkan re tu bawerî nemaye. 

Li gor encamên ne fermî Partiya
Demokrat a Kurdistanê (PDK) li pêş diçe, YNK jî li gor hilbijartinên din
derkete rêza duyemîn. Duh di hêla beşdariya hilbijartinan de piştî seat 15.00
şûnde rêjeya beşdariyê 22.96 hatibû diyarkirin lê ev rêje di seatên êvarê de ji
aliyê Komisyona Hilbijartina Bilind a Serbûxwe ya Herêma Kurdistanê ve di
weşanên girêdayên YNK û PDK’ê de ji nişka ve derket 57.96.

Li gorî agahîyên ku ji çavkanîyek
di nava YNK’ê de hatî wergirtin, YNK li parêzgeha Hewlêr û Silêmanî li gorî
hilbijartinên demên borî dengekî zêde wergirtiye. Çavkanîyê diyar kir ku li
parêzgeha Hewlêr bi giştî dengên YNK’ê gihiştiye 150 hezar dengan û li gorî vê
YNK’ê ji sedî 50 dengên xwe zêde kirine.

Li gor encamên ne fermî ku ji
Komîsyona Hilbijartinan hatîn wergirtin 
piştî hejmartina sedî 75 dengên li seranserê Herêma Kurdistanê, PDK ji
sedi 43, YNK ji sedi 20.1, Tevgera Goran ji sedi 12.8, Tevgera Nifşê Nû ji sedi
8.5, Komela Îslamî ya Kurdistanê ji sedî 7.2, Hevpeymaniya Îslah ji 5.8 û
Hevpeymaniya Serdem ji sedi 1.08 deng wergirtine.

Piştî sindoq hatin girtin nerazîbûn jî dest pê kirin

Piştî devê sindoqan a di seat
15.00’an de hat girtin, nerazîbûnên partiyan jî dest pê kir. YNK ji Ofîsa xwe
ya hilbijartinê daxuyaniyek da û ragihand: “Li Badînan û Hewlerê hîle di
hilbijartinan de hatiye kirin û di derbarê mijarê de jî di destê me de belge
hene. Di navendên hilbijartinan de bê isulî hatin kirin. Em ji van bê isuliyan
ya Komîsyona Referandum û Hilbijartina Bilind a Serbûxwe û Wezareta Karê Hûndir
berpirsiyar dibînin.” Piştî wê Berdevkê Teşkîlata PDK’ê ya Helepçe û Silêmaniyê
Etan Şêx Hesen daxuyaniyek da û got li hin navendên hilbijartinê di dema
dengdayînê de bê isûlî hatiye jiyandin û ew dê li hember van helwestek cidî
nîşan bidin.

Serokê Lîsteya Hilbijartinên
Parlementoya Herêma Kurdistanê ya YNK’ê Kubad Talabanî jî, diyarkir ku ji bo
redkirin an jî qebulkirina encamên hilbijartinê niha zû ye. Berpirsiyarê
Polîtburoya YNK’ê Sadî Ahmed Pîrê jî, da zanîn ku şaîbe û hîle ketiye vê
hilbijartinî û ji ber beşdariya hilbijartinê pir kêm çêbûye ew dê weke partî
encaman qebul nekin.

Li navçeya Koyê ya Hewlerê ku ji
aliyê balafirên Îranê ve hatibû bombebarankirin jî PDK, Goran, Partiya Cemaata
Îslamî ya Kurdistanê (KOMEL) û Partiya Yekgirtuya Îslamî ya Kurdistanê
(Yekgirtû), daxuyaniyekê hevpar dan û îdeakirin ku di hilbijartinan de
“Sixtekariyên” mezin hatiye kirin û ew vê pêvajoya hilbijartinê red
dikin. Di daxuyaniyê de wek e hincet jî YNK li navendên hilbijartinan hêzên
leşkerî bi cih kirin û hilbijêran di bin pêkûtiyê de hiştine hat aşkere kirin. 

Dê hikumetek çewa bê ava kirin?

Piştî encamên hilbijartinê bên aşkerekirin wek e Iraqê
li Herêma Kurdistanê jî dê nîqaşên hikumeteke nû, dê hikumeteke nû kê ava bike
û dê kî/ê bibe serokwezîr dest pê bike. Bi avakirina hikumeteke nû re li dijî
dagirkeriyê, pirsgirêkên bi Bexdayê re hatî jiyandin, dîsa qrîzên siyasî,
aborî, civakê dê çewa bê çareserkirin, helwestek çewa bê nîşandan tê
meraqkirin. Li aliyê din jî ji niha ve gelo dê serokwezîrê hikumetê dîsa wê
Nêçîrvan Barzanî be? tên pirsîn. Di nava van pirsan de gelo Nêçîrvan Barzanî ya
ku weke namzet tevlî hilbijartinan nebûye bê ku bibe parlementer dê hikumetê
çewa karibe ava bike? heye.