Bexda Bijartekên Hukumeta Herêmê Ret Kirin

0

21

TR

:” ”

:””

” “,

Hat diyarkirin ku hukumeta Bexda sê bijartekên Hukumeta
Herêma Kurdistanê di derbarê bûtçeya herêma Kurdistanê de pêşkêşî wan kirî, ret
kiriye û li şûna hersê bijartekan tenê rêyek daye ber hûkumeta herêmê. Hat
zanîn ku hukumeta Bexda li şûna hersê bijartekên hukumeta Hewlêr, wê tenê ji
sedî 12.6 bûtçeyê ji bo herêma Kurdistanê bi şîne.

 

Bijartekên
hukumeta herêmê çi bûn?

Demekî dirêje ku di navbera herdû hûkumetên Bexda û Hewlêr
de goftuguyên li ser bûtçeya salane ya herêma Kurdistanê û muçeyê fermanberan
tên meşandin lê heya niha jî tû encam ne hatine bi dest xistin.

Hukumeta herêma Kurdistanê di civîna xwe ya herî dawî de di
derbarê mijarê de sê bijartek pêşkêşî hûkumeta Bexda kirin. Lê li gorî agahiyan
hûkumeta Bexda hersê
bijartekên herêma kurdistanê ret kiriye. Bijartekên hûkumeta Herêmê wihane

-Eger herêma Kurdistanê rojane 250 hezar bermîl radestî
Bexda bike û li beramber ji sedî 17 bûtçeyê ji İraqê wergire.

– Eger Hukumeta herêmê hemû nefta Kurdistanê  radestî Bexda bike û li beramber, di nava 3
salan de hukumeta İraqê hemû qerzên (24 milyar dolar) hûkumeta herêmê razî bike
û salane ji sedî 17 bûtçeya herêmê bi şîne.

– Eger Herêma Kurdistanê weke sala 2019’an tû berheman
radest neke û Bexda tenê beşek ji muçeyê fermanberan ji bo herêma Kurdistanê bi
şîne.

Li gorî agahiyan hûmeta Bexda hersê bijartekên hukumeta
herêmê ret kirine û tenê yek bijartek xistiye pêşiya herêma kurdistanê ew jî
divê Herêma Kurdistanê 250 hezar bermil neft radest bike û li beramberî wê
Bexda tenê ji sedî 12.6 bûtçeyê bi şîne.

Bexda pêşniyara
hevdîtinê qebûl nekir

Li gor agahiyên ji çavkaniyek agahdar hatîn wergirtin, Serokê
Hûkumeta Herêma Kurdistanê Mesrûr Barzanî ji bo goftûgo kirina bûtçeya herêma
Kurdistanê, mûçeyê fermanberan, navçeyên Kurdistanî yên bi nakok û mijara hêzên
pêşmerge daxwaza hevdîtinan ji Bexda kiriye lê aliyên hûkumeta Bexda (Ereb)
pêşniyara hûkumeta herêmê ji bo nîqaşkirina pirsgirêkên di navbera wan de,
qebûl nekiriye.

Hat diyarkirin ku Nûnerê Hûkumeta Herêma Kûrdistanê li Bexda
Faris Silêvaneyî, bi awayekî fermî daxwaznameya hevdîtinê pêşkêşî lijneya
darayî û lijneya neft û gazê ya parlemena İraqê kiriye ku bi Serokê Hukumetê Mesrûr
Barzanî re hevdîtinan pêk bînin. Lê belê hat zanîn ku piraniya endamên lijneyan
ev hevdîtin ret kirine.

Her wiha li gorî çavkaniyê ji bo veşartina nakokiyên di
navbera herdû aliyan de şandeyek ji wezîrên Kurd yên li parlemena İraqê kû têde
Serokkomarê İraqê Berhem Salih, Wezîrê Darayî ê İraqê Fûat Husên û Nûnerê
Hûkumeta Herêma Kûrdistanê li Bexda Faris Silêvaneyî cih digirin, hatin Hewlêr
û bi Mesrûr Barzanî, Serokê Herêma Kurdistanê Nêçirvan Barzanî û Serokê Giştî
yê PDK’ê Mesût Barzanî re civiyan.

Hat diyarkirin ku Berhem Salih di civîna bi Mesrûr Barzanî
re gotiye ‘’hûkumeta Bexda hemû bijartekên we ret kirine ji ber wê amade nebûn
bersivek erênî bidin daxwaza we ya hevdîtinan û li gel we goftûgo bikin. Ji bo
danûstandin di navbera aliyan de qût nebin, hinek bijartekên nû pêşkêş bikin.’’

 

‘Pêngavên me li
hember Hewlêr tenê bi cih kirina qanûnê ye’

Serokwezîrê İraqê Adil Ebdûlmehdî di derbarê bûtçeya herêma
Kurdistanê de axivî û ragihand, ew pêngavên ku em li beramber herêma Kurdistanê
davêjin, tenê bi cih kirina qanûnê ye.

Abdûlmehdî da zanîn kû İraq xwedî qanûn û destûre divê hemû
bendên destûrnameyê weke kû hatiye bi cih kirin were pêk anîn û got ’’Nabe ku
di destûrnameyê de hinek madde werin bi cih kirin û hinek werin paşgûhxistin.
Li gorî qanûnê ger dahata nefta herêmê neyê radest kirin wê bûtçeya herêmê jî
were qût kirin, ji ber ku ew jî beşeke ji qanûnê.’’

0

21

TR
KO

:” ”

:””

” “,

Navenda Lêkolînên Stratejîk a Kurdistanê

www.lekolin.com – www.lekolin.org – www.lekolin.net –
www.lekolin.info -www.navendalekolin.com -http://kursam.org/index.html-
http://kursam.net/index.html