Çawuşoglu Nameyek Taybet Ji Bo Barzanî Şand

0

21

:” ”

:””

” “,

Har diyarkirin ku Wezîrê Karê Derve yê Tirkiyê Mewlud Çawuşoglu nameyek
taybet ji bo Serokê giştî yê Partiya Demokrat a Kurdistanê (PDK) Mesut Barzanî
şandiye û têde daxwaz kiriye ku PDK piştgiriya dirustkirina hêzekî hevbeş ya
leşkerên İraq û Pêşmergeyan li ser sînorê İraq û Tirkiyê qebul neke. Her wiha
hat zanîn ku Çawuşoglu ji Barzanî daxwaz kiriye ku heya ew nexşerêyekê ji bo
Kerkukê amade nekin, venegerin Kerkukê.

Hat diyarkirin ku Çawuşoglu di nameya xwe de ji Barzanî re ragihandiye ku durustkirina
hêzekî hevbeş ya leşkerên İraq û Pêşmergeyan, wê ji bo tevgerkirina leşkerên
wan li ser sînorê İraq û Tirkiyê bibe asteng.

 

‘Bila hêzên Pêşmerge nebin yek’

Hukumeta herêma Kurdistanê demekî dirêje bi alîkariya Amerîka û hukumeta
İraqê xebatên ji bo komkirina hemû hêzên pêşmerge dibin banê Wezareta Pêşmerge
de dide meşandin, lê heya niha jî biryarek wisan ne hatiye bi cih anîn. Hat
zanîn ku Çawuşoğlu di vê nameya xwe de ji Barzanî daxwaz kiriye plana Amerîka
ya ji bo komkirina hêzên pêşmerge qebul nekin, ji ber ku di berdewamiya vê
plana Amerîka û İraqê de, wê hêzên pêşmerge bi hêzên leşkerî yên İraqê ve werin
girêdan.

 

Ji PDK’ê hatiye daxwaz kirin ku
venegerin kerkukê

16 Cotmeha 2017’an û şunde li Kerkuk û hemu herêmên Kurdistanî yên ku jêre
dibêjin herêmên bi nakuk rewşa awarte heye. Gelek caran ji bo çareserkirina
hinek pirsgirêkan Meclisa bajêr hewildaye kom bibe lê PDK her carê ev civîn
boykut kiriye û venegerane Kerkukê.

Hat destnîşan kirin ku Çawuşoglu di nameya xwe de ji Barzanî daxwaz kiriye
ku heya Tirkiye nexşerêyekê ji bo Kerkukê amade neke, bila PDK venegere Kerkukê
û odeyekî hevbeş ya operasyonan ava neke.

Çavuşoglu di nameya xwe de ji Barzanî daxwaz kiriye, ew rojên ku Tirkiyê
bêy daxwaz û şêwira hukumeta İraqê hevpeymana petrolê ya 50 salan bi hukumeta
herêmê re îmze kirî ji bîr neke, ji ber ku ev hevpeyman buye sedem ku İraq
giliyê wan li yasaya navnetewî bike. Ji ber wê sedemê dema hukumeta herêmê bi
İraqê re hevpeymanên gaz û petrolê îmze dike berjewendiyên Tirkiyê li ber çav
bigire.

 

‘Em Destur Nadin Ku Tu Balafir Bêy
Destûra Me Li Ser Ezmanê Iraqê Bi Firin’

Serokwezîr û di
heman demê de Fermandarê Giştî Yê Hêzên Çekdarî yê İraqê Adil Ebdulmehdî, di
civîna Desteya Ewlekariya Netewî ya İraqê de biryarek giring daye û diyar
kiriye ku, ji niha û şunde bêy destûra wî wê tu balafirên çavdêrî, balafirên
şer, balafirên bê mirov û helîkopter li esmanê İraqê ne firin.

Adil Ebdulmehdî
ji hemû sazî û dezgehên hikûmetê û aliyên Iraqê daxwaz kiriye ku girêdayî van
biryaran bimînin û got, “Her kî derveyî vê biryarê bikeve û bêyî destûr li ser
ezmanê Iraqê bifire dê weke helwesteke dijminane bê qebûl kirin û wê hêzên
parastina ezmanî yên Iraqê jî bersivê bidinê.

Piştî vê biryara
Adil Ebdulmehdî, balafirên şer yên dewleta Tirkiyê careke din nêzî gundên binarê
Qendîlê bi dijwarî bombebaran kirin, lê balkêşe ku hêzên hewayî yên İraqê tu
bersiv nedan û ji hukumeta İraqê jî tu helwest ne hatin nîşandan.

0

21

TR
KO

:” ”

:””

” “,

Navenda Lêkolînên Stratejîk a Kurdistanê

www.lekolin.com – www.lekolin.org – www.lekolin.net –
www.lekolin.info -www.navendalekolin.com -http://kursam.org/index.html-
http://kursam.net/index.html