Malpera me lekolin.org piştî hatina HTŞ’ê ya ser desthiladariya Şamê, êrîşên ser Sûwêyda bi kîjan armancî, rola dewleta Tirk û hevpariya komên çete yên di bin navê eşiran de çawa hatî organîzekirin, di civînên cur be cur ên di navbera îstîxbaratên dewleta Tirk û ya HTŞ’ê de biryar hatibûn girtin, bi nûçeyên taybet, analîz û dosyayan gav bi gav nivisandibû.
Jixwe dema em li van nûçe, analîz û dosyayên hatî çêkirin, bi taybet agahiyên derbarê civînên MÎT ên bi HTŞ’ê li Şamê ku li ser eşîrên Ereb plansaziyê danîne dinêrin, armancên êrîşên li ser Sûwêda yên ku piranî di bin navê komên eşîran de didin pêş, derdikeve holê. Lewra di hemû ragihandinên dewleta Tirk û HTŞ’ê de ji çeteyên girêdayê Wezareta Parastinê ya Hikumeta Şamê zêdetir, çeteyên ku di bin navê zarokên eşîran derdixistin pêş. Çend lingên van êrîşan hebûn. Ya yekemîn; ji bo di ser dijî Durzî an jî Îsraîliyan di bin navê olî de hêstên netewperestiya Ereb bilindtir bikin û vê hêstî di pêşerojê de dema plana xwe ya li ser hêzên QSD’ê yên heremên Rizgarkirî bixin meriyetê. Ji bo vê em dikarin bibêjin vê yekî wek e ceribandinê bikaranîn. Duyemîn; di paşerojê de li gor plansaziya ku MÎT û HTŞ’ê ya di civîna Şamê de li ser heremên Rizgarkirî ya Dêrazor, Reqa û Tebqa diyar kirine, eşîrên Ereb ên li heremê terafê-aliyên xwe diyar bikin (dê bi wan re bin an na). Ya sêyem jî; ji bo ser rojeva ku hikumeta demkî ya Şamê-Colanî ku di çerçoveya Hevpeymana Abraham’de li beramberê Girê Golan desthiladariya Şamê jî tevlî projeya Korîdora Dawut a Îsraîlê bike, bigire û di ser de jî piştgiriya dewletên Ereb ên ku tevlî Hevpeymana Abraham bûne bistîne.
PIŞTÎ MECLÎSA SUWEYDA AVA BÛ ODEYA OPERASYONA HEVBEŞ A MÎT Û HTŞ’Ê JÎ HAT AVAKIRIN
Di nav guhertinên jeopolîtîk ên Rojhilata Navîn de li Suriyê ji dema hilweşîna rejîma Esed di 8ê Kanûn 2024an de pêvajoyên Nu bi xwere anîn. Li parêzgeha Suweydayê li başûrê Suriyê bertekên mezin yên civakî derketin holê.
Di 24’ê Sibatê 2025’an de Hevpeymaniyek leşkerî a Durzî li parêzgeha Sûweydayê / başûrê Sûriyeyê hat damezrandin. Hevpeymaniyê bi fermî Meclîsa Leşkerî ya Suweydayê îlan kirin. 4 hevgirtinên leşkerî ên din ku li Suweydayê tê de zêdetirî 160 komên çekdar ên li parêzgehê cih têde digrin hat ragihandin. Di nav de Hêzên Bayraq Silêman Bin Dawûd ên bi serokatiya Mecîd Najem Ebû Ras jî cihê xwe têde girtin.
Li hember vê yekê Odeya Operasyonên Taybet yên ser bi HTŞ ê û Odeya Operasyonên Hevbeş ku HTŞ bi fermanên MÎT’ê rêveberiya wê dike, Meclîs Leşkerî a Sûweydayê bi pênaseyek “NE REWA“ hat bi pênase kirin.
Piştre Medya/Torên înternetê yên girêdayî MÎT û tîmên perwerdekirî yên girêdayî HTŞ ê, li pey îlan kirina Meclîsa Leşkerî ya Suweyda yê, bi fermana ji MÎT ê kete nava liv û tevgerê û bi daxuyaniyên çapemeniyê li ser giştî torên Internetê li hember Durzî û gelê Sweydayê êrîş dan destpêkirin.
Herwiha, MÎT û HTŞ’ê li dijî civaka Durzî planên qirêj dan destpêkirin û hewil dan wan neçar bikin ku dev ji daxwazên xwe yên Meclîsa Leşkerî û rêveberiya xweser berdin. Malpera me Lekolin.org di nûçeya xwe ya taybet a 7’ê Adara 2025’an de diyar kir ku çeteyên DAIŞ’ê li bajarên peravê yên Sûriyeyê bi cih bûne da ku zemîna êrîşa li ser herêmên Suweyda û Cerema ku piraniya şêniyên Durzî lê dijîn amade bikin.
Li ser van xeteriyan malpera me lekolin.org, bê navber di dîrokên cuda de 8 agahiyên taybet li ser torên civakî, 5 nûçeyên taybet, 4 nûçe-analîz, dosyayek û 4 gotar ên ji hêla nivîskarên malperê ve hatin nivisandin û bal kişandin ser van êrîşên ku ji aliyê dewleta Tirk ve di ser HTŞ’ê û komên çete yên girêdayên wan de çawa tê kirin.
Li ser vê esasî hin nûçe û analîzên sereke yên di malperê de ji 25’ê sibatê ve hatine weşandin wiha ne;
Li ser vê esasî malpera me bi analîzekî ku bi sernavê “Pergaka Suriya Nû Wek Berê Navendî Nabe” balkişandibû ser xeteriya pergala heyî û bertekên gelên Sûriyê. Bi kurtasî naveroka nivîsê wiha bû: “Bêguman pergala Sûriyeya nû wek berê navendî nabe! Heger wekî rejîma Baasê, HTŞ jî bibêje “tenê ez ê dewletê bi rê ve bibim û herkes lazim e li gor min bimeşe” dê rastî bertekên tund yê gelên Sûriyeyê were.”
Dîsa bi nûçe-analîzek a bi sernavê “Hespê Troya yê ku MÎT Ji Bo Ketina Suweydayê Bi Kar Anî: Mîxferên Spî” plana MÎT û HTŞ’ê ya li ser civaka Durzî ya “Perçe bike-birêve bibe” aşkere kiribû. Piştî ku HTŞ’ê Şam bi dest xist, civaka Durzî li herêmên ku lê dijîn meclîseke leşkerî ava kir û daxwaza rêveberiya xweser kir. Di vê çarçoveyê de malpera me nivîsandibû ku di bin navê peymaneke nû ya di navbera hikûmeta Şamê û Durzî de plana ‘Perçe bike-Birêve bibe’ hate kirin. Tevî van planên qirêj, MÎT û HTŞ’ê ku nekarîn ti encamekê bi dest bixin, niha di bin navê alîkariyê de rêxistina bi navê Mîxferên Spî (El Xuez El Beydaa) ku weke hespekî troyayê bi kar tînin, derbasî herêmê dikin.
Di heman nûçe-analîzê de ji bo hinceta êrîşê Sûwêda ava bikin, mijara di navbêra Deraa û Suwêda de kaçaxçitiya çek û mirovan tê kirin, sewqiyat û noqteyên leşkerî hatin danîn. Pêve girêdayê wek e koma Mîxferên Spî ku hêzek tarî ya girêdayê MÎT û HTŞ’ê ye, komek ê ji berê ve ji aliyê Colanî hatibû avakirin Tugaya Sor jî xistibûn dewrê deşifre dike.
ARMANCA DEWLETA TIRK A XWE BICIHKIRINA BAŞÛR Û BAKURÊ SÛRİYÊ
Jixwe wek e destpêkê malpera me bi analîzek giştî ya li ser armanca dewleta Tirk a xwe bicihkirina başûr û bakurê Sûriyê de di 13 Adara 2025’an de ku dê çima û bi kîjan komên çete re ji Suwêda bide destpêkirin raxistibû berçavan.
Piştre li pey hev;
–MÎT û HTŞ Komên Çete Yên Cîhadîst Wek e Kontrayê Bikar Tîne – DOSYA TAYBET
– Lobiya Îsraîl û Tirkiye-Şam: Golan Bide Sûwêda Bigre!- NÛÇE ANALÎZ
– Bi sernavê “Şaneyên Veşartî Di Bin Navê “Artêşa Eşîran” De Tên Aktîfkirin”
– MÎT Û HTŞ Ji Bo Êrîşê Durziyan Bike Bingeh Amade Dike – NÛÇE TAYBET
– Li Ser Durziyan Plana ‘Parçe Bike û Birêve Bibe’
– HTŞ û MÎT’ê Fîtîla Êrîşê li ser Dûrziyan Pêxistin
Rûxmê ewqas agahî û nûçeyên şênber ku diyare ji aliyê dewleta Tirk a bi komên cîhadîst ên tundraw bi riya HTŞ’ê ve tê kirin jî, ji hêla saziyên mafên mirovan ên navneteweyî ve bertek an jî hewildaneke xûrt derneket holê. Ji ber vê yekî jî niha dewleta Tirk û desthilatiya Şamê ku van komên çete di bin navê zarokên eşîran de daye êrîşkirin, hewil dide heman planî li ser heremên Rizgarkirî yên wek e Dêrazor, Raqa, Tebqa û qismek jî Hesekê bide meşandin.
Aras ŞAHO
