Ji 27’ê Mijdarê ve êrîşên çeteyên girêdayî dewleta Tirk a dagirker li ser xaka Bakur û Rojhilatê Sûriyê berdewam dikin. Dewleta Tirk a dagirker çeteyên DAIŞ’ê yên ku di bin maskeya Artêşa Neteweyî ya Sûriyeyê Azad (ASA) de kom kiribûn, fînanse dikir û birêxistin kiribû, li bejahiyê bi cih anî û ji hewayê bi balafirên şer û bêmirov ve bomberdûmaneke dijwar kir.
Tevî ku Fermandarê Giştî yê QSD’ê Mazlûm Ebdî ragihand ku ji roja Sêşemê ve ji bo şer û pevçûnên li Minbicê agirbest ragihandine, lê êrîşên dewleta Tirk a dagirker û çeteyên ASA’yê yên li dijî herêmên gundewarên rojavayê Kobanê, Qereqozak û Tişrînê didomin.
DEWLETA TIRK DIXWAZE BI DESTÊ DAIŞ’Ê MINBIC Û KOBANÊ DAGIR BIKE
Nêzîkî 220 çeteyên DAIŞ’ê yên di bin navê ASA de bi piştgiriya dewleta Tirk a dagirker hewl dan ji herêma Xendûra bikevin navenda Minbicê, di encama kemîna hêzên Meclîsa Leşkerî ya Minbicê de gelek çete hatin kuştin. Di qarta flaşa ser çeteyê DAIŞ’ê yê bi nave Haşim Yusif Mihemed Selîm el Îcelî de ku tê gotin di nava çeteyên hatine kuştin de bû nav û wêneyên 415 çeteyên DAIŞ’ê yên di êrîşê de cih girtine û talîmata piştî dagirkirina Minbicê wê çawa êrîşê bejahiya Kobanê jî bikin derket holê.
Li gorî talîmatên ku di flaşbelek a li ser çeteyê kuştî, tê diyarkirin ku dema ku hêzên Meclîsa Leşkerî ya Minbicê qels bibin, wê 220 komên çeteyên DAIŞ’ê ber bi Pira Qereqoza ve biçin û bi desteka balafirên bêmirov û bêfirokevan wê pêşî nuqteya Ceedet El Semawat were dagirkirin û çekên weke obus û hawanan wê werin bicihkirin. Hate diyarkirin ku ew ê gundê Xerûs ê ku destpêka serê pirê ye dagir bikin, “Koma Rakirina Dronan” saz bikin û ber bi bajarokê Sirrîn ve biçin. Hate nivîsandin ku piştî dagirkirina bajarokê Sirrîn dê bi dorê gundên di navbêra Sirrîn û Kobanê yên wek e gundên Bîra reş, Kelhîda, Fecira Jorîn, Yarmeqz, El Şehame, Qolê, Mûçik, Denqîza Mezin, Yeîqoy, Til Xezal, Qere Merzê, Dendoşan, Corat û Hefyan dagir bikin.
HELWESTA KOALISYONÊ YA JI BO VAN DAIŞ’YAN ÇI BE?
Tevî ku beriya niha bi wêne, dîmen û belgeyan hatibû eşkerekirin ku endamên payebilind û çeteyên DAIŞ’ê yên ku bi hezaran mirov qetil kirin û sûcên li dijî mirovahiyê yên weke talan û destavêtin kirin, radestî komên çete yên girêdayî ASA’yê yên ku girêdayên dewleta Tirk a dagirker in bi perspektîfa MÎT’ê derbasî Sûriyê bûne, deşifre bûne. Rûxmê vê hêzên Koalisyonê ya pêşengtiya wê Amerîka dike ku bi îdeaya li dijî DAIŞ’ê ew li Sûriyê ne dê helwestek çawa nîşan bide tê meraq kirin.
NAVÊN ÇETEYÊN DAIŞ’Ê YÊN DI NAVA KOMÊN ASA DE HATINE BICIHKIRIN
Navên 415 çeteyên DAIŞ’ê yên ku ji aliyê dewleta Tirk a dagirker ve di nav komên ASA yên Ehrar El Şerqîyê, Cêyş el Şerqîyê, Sultan Murat, Sultan Silêman Şah, Lîwa Semerqend, Nûredîn Zenkî, Firqa 20, Lîwa 313, Firqa 51, Ceyş el Nuxbê de hatine bicihkirin di linka jêrde ye;
Navên DAIŞ’î Yên Ku Bi Çeteyên Dewleta Tirk Re Êrîşî Minbic û Kobanê Dikin-Lekolin.org
Fırat Ali/Aras Şaho
Navenda Lêkolînên Stratejîk A Kurdistanê
