Malpera me Lekolin.org berê jî cihên ku dewleta Tirk dê lê bicîh bibe bi hemû hûrguliyên wan û armanca van herêman bi awayekî berfireh eşkere kiribû. Gelek cihên ku hatibûn eşkerekirin ji aliyê Îsraîlê ve hatin hedefgirtin, lê dewleta Tirk stratejiyeke nû dişopîne û bi destê MÍT’ê bi awayekî veşartî çekên pêşketî dişîne herêmên di bin kontrola HTŞ’ê de û di heman demê de sewkiyata leşkerî li ser xeta Heleb û Minbicê jî dike.
SEWKIYATA BI LOGOYA XWARINÊ
Li gorî agahiyên ji çavkaniyên pêbawer hatine bidestxistin, di 10’ê Îlona 2025’an de dewleta Tirk bi rêya MÍT’ê sewkiyata çekên pêşketî ber bi herêmên Hema û Humusê yên di bin kontrola HTŞ’ê de kiriye. Di nav van çekan de mûşekên parastina hewayî yên ku li Tirkiyê nayên çêkirin, mûşekên zirhê yên çêkirî yên Rûsî û pergalên JAMMER ên li dijî balafir û dronan tên bikaranîn hene.
Hat zanîn ku ev çek bi wesayîtên bi logoyên xwarinê hatine veşartin û ber bi herêma Yekemîn Tugayê ya li gundewarên Şamê ve hatine şandin.Hat zanîn ku tîmeke 5 kesî ya girêdayî MÍT’ê û di nav TSK’ê de cih digire, hatiye şandin vê baregehê û dê ji çeteyên HTŞ’ê re perwerdehiyê li ser karanîna van çekan û pergalên parastina hewayî bide.Di vê çarçoveyê de, serdana Fermandarê Hêzên Hewayî yên Sûriyê bo Tirkiyê, ji bo hevrêzkirin û temamkirina van veguhestinên çekan pêk hat.
Hat teqezkirin ku çek ji deriyê sînorî yê Bab El-Hawa yê di navbera Tirkiye û Sûriyê de hatine derbaskirin.Cihên ku MÎT bi dizî çekên pêşketî bi cih kirine û di serdema Rejîma Esed de wekî balafirgehên leşkerî hatine bikaranîn, li rojhilatê Humusê û bi taybetî li navendên li herêma çolê wiha ne:
Koordînata Yêkem;
Koordînata Duyem:
Ciheke din li bakur-rojhilatê Hema yê ye ku berê wekî navendên leşkerî yên girêdayî rejîma Esed bûn. Ev cih bi qasî 35 kîlometreyan dûrî navenda bajarê Hema ye. Cihên wan wiha ne:
Ciheke din jî li bakur û rojavayê herêma Hema ye, bi qasî 11 kîlometreyan dûrî qesabeya Biredicê ye. Hat zanîn ku di serdema Esed de ev cih ji bo daketin û rabûna helîkopteran hatiye bikaranîn.
SEWKIYATA MEZIN LI SER XETA CEPHEYÊ
Her wiha hat zanîn ku Artêşa Tirk sewkiyateke leşkerî ya giran ber bi gundewarên Helebê û herêma Girê Spî kiriye. Ev piştgirî di nav xwe de pergalên topan ên 157 mm, roketavêj, mûşekên Girad, wesayîtên bi çekên dijî-balafiran ên 23 mm, cîhazên JAMMER û wesayîtên paqijkirina mayînan dihewîne.
Li gorî agahiyên ku me wekî Lekolin.org bidest xistine, sewkiyata leşkerî bi taybetî ji gundewarên Helebê ber bi qesabeya El-Erime ya girêdayî Minbicê ya xwedî girîngiya stratejîk hatiye bicihkirin û li ser xeta cepheyê ya ku çeteyên girêdayî MÍT’ê lê ne, hatiye belavkirin.
Hat zanîn ku beşek ji sewkiyata ku bi tîrên girtî hatine veguhestin jî ber bi baregehên Tirk ên li Girê Spî ve hatine şandin.
GIRÎNGIYA STRATEJÎK A EL-ERIME
El-Erime bi qasî 25 kîlometreyan li rojavayê Minbicê ye û li ser riya sereke ya di navbera Minbic û Babê de cih digire. Cihê wê yê erdnîgarî, vê heremê dike navendekî stratejîk: li bakur 50 km dûrî sînorê Tirkiyê, li rojhilat 25 km dûrî Minbicê, li başûr 25 km dûrî Deyr Hafirê û li rojava 17 km dûrî Babê ye. Beriya hilweşîna rejîma Esed, El-Erime wekî xaleke girêdanê di navbera hêzên Rûsî û hevalbendên wan de dihat bikaranîn. Hat tesbîtkirin ku Artêşa Tirk plan dike vê qesabeyê bike baregeheke stratejîk û ji bo hevrêzkirina şer bi kar bîne.
STRATEJIYA MÍT’Ê YA DU-ALÎ LI SÛRIYÊ
Hamleyên dewleta Tirk bi rêya MÍT’ê li Sûriyê, hem bi piştgiriya çekan ji rêveberiya Şamê re û hem jî bi sewkiyata leşkerî ya rasterast ber bi Minbic û Girê Spî ve, stratejiyeke du-alî diyar dike. Çekên pêşketî yên ku ji Şamê re têne şandin, armanc dikin ku kapasîteya parastina hewayî ya Artêşa Sûriyê xurt bikin û hegemonyaya Îsraîlê li herêmê qels bikin, lê belê livûtevgerên leşkerî li ser xeta Minbic û Girê Spî, hewldana dewleta Tirk a ji bo firehkirina herêmên kontrolê li bakurê Sûriyê û desteserkirina xalên stratejîk nîşan dide. Armanc e ku qesabeya El-Erime di vê stratejiyê de roleke sereke bilîze û bibe baregeheke ji bo hevrêzkirina operasyonên Artêşa Tirk li herêmê.
ÊRÎŞ DEST PÊ KIRIN
Di du heftiyên dawî de, çeteyên di bin fermana MÍT’ê de (El-Hemzat, Suleyman Şah û El-Emşat) ku HTŞ’ê bi awayekî fermî tevlî Artêşa Sûriyê kirine û li ser xeta Minbic-Deyr Hafirê bicih kirine, bi dehan caran agirbest binpê kirine û êrîş pêk anîne.
QSD’ê ragihand ku hêzên girêdayî HTŞ û SMO’yê doh bi dronan êrîşî xeta Deyr Hafirê kirine, piştî wê gundê Um El-Tina yê sivîlan bombe kirine û di encamê de 7 sivîlên ku di nav wan de zarok û kal hene hatine kuştin, 4 sivîl jî birîndar bûne.
