Di 10’ê Adara 2025 an de MÎT ji bo êrîşên siberojê hêjmarek zêde çeteyên DAIŞ’ê ji Antakya derbasî Parêzgeha Ninowa û Anbarê kirin. Li gor agahiyên piştrastkirî ku wek Lekolin.org girtiye îstixbarata Tirkiyê MÎT ji bo êrişên mezin yên siberojê 10’ê Adara 2025’an 13 çeteyên DAIŞê yên pispor ji kampa li nêzî Antakya’yê derbasî Iraqê kir û bi taybet li herêma Şengalê wezîfedar kir.
Li pey vê rudana di 13’ê Adarê de CENTCOM di daxuyaniyekê de eşkere kiribu ku serçeteyê payebilind Ebdullah Makki Muslih el-Rifaî ku bi navê “Ebû Hatîca“ jî tê naskirin di êrîşek hewayî de li rojavayê parêzgeha Enbarê ya Iraqê de kuştibu şunde bi taybet li Parêzgeha Anbar ê ya sînorê Iraq-Sûriyeyê de tevgerên MÎT’ê yên “Jinuve Zîndîkirina DAIŞ” eşkere bûn.
Navên Çeteyên ji aliyê MIT ê ve ji Kampa Antakya derbasî xaka Iraqê hatîne kirin wiha ne:
-Hissên Emaş El Zibêdî ji Mûsilê ye.
-Hesen Malo ji gundê Eb Ceraa yê girêdayî Dêrazorê ye.
-Miseeb Yasîn eslê xwe ji Mûsilê ye
-Îd Mûsa El Şawî ji gundê El Cisma ê Mûsil.
-Ûmer Meiyuf Ehmed ji gundê El Fesîliyê ê Nînowa ye.
-Selah Elî Bencer ji gundê El Sefînê yê girêdayî İdlibê ye.
-Nafî Yunis eslê xwe ji Til Afer e.
-Elî Muslih Helob ji Giwêra Nînova ye.
-Mihemed Elî El Cibûrî. Ji gundê El Nemrûd ê Nînowa ye.
-Sebhan El Hedîdî, ji gundê El Nebî Şît ê Nînowa ye.
-Ebid El Mecîd Reşîd, ji gundê Subhî ê Nînowa ye.
-Casim El Betûl ji gundê Ûmer Mendan ê Neynewa.
-Xalid Hemîd El Dilêmî ji Tikrîtê berjengê wî Ebû Tebarik e.
-Çeteyê bi navê Ebû Abdullah El Almanî tecrubeya bilind a pêkanîna çalakyiyên taybet de cihê xwe di nava komê de digre.
Tirkiyê di şerê Sûriyê de piştgiriyek bê hempa pêşkeşî DAIŞ û rêxistinên Cîhadist kir. Ji 10 hezar zêdetir DAIŞ yên ji Iraq-Suriye, li derdora 5-6 hezar çeteyên biyanî ku rêxistin, bi çek û lojistîk kiribu da şerkirin.
MÎT di organîzekirina ruxandina Hukumeta Beşar Esed de û di avakirina Hukumeta Suriyê ya bi serkêşiya HTŞ ê de, bu xwedî rola herî sereke “Jinuve Zindîkirina DAIŞ‘ê” yê li Iraq û Suriyê kir.
Dewleta Tirk a dagirker ku ji bo xeyalên xwe yê Neo-Osmanî û Misaqi Millî pêk bine bi salan e di her qadê de çeteyên DAIŞ’ê fînanse dike, perwerde dike û ber bi eniyê şer ve dikişîne, li Mûsil, Kerkûk û Til Eferê çeteyên DAIŞ’ê ji nu ve rêxistin dike.
Di 15 ê Tîrmeha 2024‘an de lekolin.org nasnameyên van çeteyan eşkere kiribu. Ji herêma Behdînan, ji Kerkûk û Tilefer Turkmenên hatine komkirin da ku bixin nava DAIŞ‘ê di barergaha leşkerî de hatibun bi cîhkirin.
Di 26 ê nîsan 2024‘an de lekolin.org di Dosyayek Taybet a bi sernavê “Navenda Rêxistina Nû ya DAIŞ’ê Başîka” de hatibu eşkere kirin ku hedefên êrîşan taybet herêmên Enbar, Diyala, Hedîsa û Qayîmê ne. Hatibu eşkere kirin ku Çeteyên DAIŞ ê li deştên Enbar û çola Iraqê ber bi bajarê El Qaimê ve gelek wesayîtên bombebarkirî amade kiribun ji wan herêman êrîşî çola El Qaimê bikin. Bi taybetî tunel, çiya û şikeftên Çiyayê Hemrînê.
Di 17 ê Tebax 2024 de dewleta Tirk a dagirker li herêmên Behdînan ê çeteyên aslê xwe Turkmen li herêma di navbera Duhok û Mûsilê de li Feyliyê ku di pêvajoya Saddam de ev cih wekî baregeh dihat bikaranîn hatin bi cih kirin. Hêjmara wan çeteyan 30 zêdetirin.
Dewleta Tirk ne tenê li heremên Enbar û Nînowa heman demî li herema Şengalê jî bi rêya MİT‘ê DAIŞ‘ê rêxistin dike. Li gorî agahiya ku hatiye piştrast kirin hêjmarek ji DAIŞî ku li Şengal û gundewarên wê hatine bicîhkirin yêkser bi MÎT û Parastinê re kar dikin.
Navên Çeteyên Li Şengal û Gundewarên wê Bi MÎT ê re Dixebitin wiha ne:
-Yaqub Yusif Qasim, ji Şengalê ye.
-Kamîran Xidir, ji Şengalê ye.
-Ismaîl Xeelef Murad, ji gundê Rîhaniyê ê Şengalê ye.
-Îmad Mihêsinn Qaso, ji gundê Xatûniyê yê girêdayî Şengalê ye.
-Mehmûd Murad Elo, ji Şengalê ye.
-Xalid Murad Elo, ji Şengalê ye.
-Mihemed Bênav Circîs, ji Şengalê ye.
-Nacî El Hedîdî, ji Şengalê ye.
-Elî Salih Şahîn serçeteyê DAIŞ ê ye û tekiliya xwe yêkser bi Parastin û MÎTê re heye.
Lekolin.org di 17 Mijdar 2024 an de di Nuçeyek Taybet de, dagirkeriya Tirk û hevkarê wê PDK’ê amadekariya pêkanîna plansaziyeke di asta Fermana 75’an de ji bo Şengalê dikirin, navê çeteyên DAIŞ’ê ku di çarçoveya vê planê de derbasî xeta Şengalê bibûn eşkere kiribû.
Di 19 yê Adara 2025 an de li Şengalê kesê bi navê Elî Salih Şahîn ku di navbera Bulgaristanê û Duhokê de hereket dike eşkere bû ku bi MÎT’ê re kar dike. Ev sîxûr ji ber derfeta wî ya aborî heye di mijarên hêsanîkirina veguhestina alav, heyberên pêwîst û herwekî din pêwîstiyan dabîn dike. Hat piştrastkirin ku Elî Salih Şahîn bi rêyên îllegal jî peywendiyan ava dike ji bo derbaskirina kesan ji Başurê Kurdistanê bi taybet bajarê Duhok ê.
Navenda Lêkolînên Stratejîk A Kurdistanê
